IMPHAL, March 18 2007 a New Delhi a KRA founder member leh C-in-C K Hangsing thahna-a kigolh mi 3 toh KRA (U) president Sepnawnni in KRA te’n kaplum uhi. Thah a omte ahihleh, KRA (U) president Seitinmang (36) s/o of Khunkhu village, Bungkholal Chongloi (48) s/o Pahen of New Lambulane, ex-candidate Kangpokpi A/C, Paochange Chongloi (50) s/o Laletpao of L Khengjang village hi ua, Senapati dist. sunga Saikul sub-div. a KRA in amaute a sapkhawm zoh in Imphal pansan thuthaksaimite mai ah ding sak a, a heutupa uh K Hangsing thahna a kigolh uh hidan in KRA in mi 3-te ngoh hi’n thusuak in taklang hi.
K Hangsing ahihleh, 2007 a New Delhi a a sanggampa’ quarter a aom lai a migilou lawi khat in a khetlup uh ahi hi. Hiai mi 3-te media-te’ mai a sawtlou KRA in a kilatsak zoh un Saikul gamlak ah gari in tonpih ua, a 3 un kaplum uhi. KRA founder member leh C-in-C K Hangsing thahna a kigolh uh hi’n KRA Home Secy L Jacob in amaute ngoh a, tualthahna tosawntu a pang KRA (U) president ahihdan leh a dangte K Hangsing thahna ding geltu a pang uh hidan in KRA Pub Secy Th Misao in tuni a thuthaksaite a houpihna ah gen hi.
Th Misao in agenzelna ah, a suikhiat dan uh pansan a amaute capital punishment piak ahihdan a gen banah, KRA (U) ahihleh kum masa December kha a Guwahati apat Manipur student-te pimangna toh kisai a news a hong kilang leng migilou leh mi’ sum laksak chingte maimai ahihdan uh leng Th Misao in gen a, KRA C-in-C thahna kisai a mohpotupen KRA (U) ahihdan leng gen hi’n thusuak in taklang hi.
[LAMKA POST]
No comments:
Post a Comment